性感女星張暖雅早前飛到馬來西亞登台搵真銀，怎料中途發生意外，她透露：「當晚個個望住個台，我係焦點，我仲做埋MC，負責帶動氣氛同跳舞，期間有人開香檳係咁噴，仲噴到我隻眼，我戴咗Con（隱形眼鏡）成日，對眼已經好乾，所以好唔舒服，就返咗後台休息。」但她當時喝了點酒，在場人士又不停叫囂，令情緒高漲的她再次衝上台跳舞。
當張暖雅穿上7吋高跟鞋邊跑邊叫，卻在衝上台的一刻跣腳：「成地香檳好跣，我覺得我撻低嗰時好似飛出去咁！成個人四腳朝天瞓喺台上，我個pat pat先落地。」其後張暖雅回到酒店，始發現臀部腫了一大片，手腳更有不少瘀痕。