天華笑微波無出「淇」右
謝天華、周麗淇、李璧琦及朱璇等昨日為今晚首播的《女警愛作戰》出席宣傳活動，穿警服的周麗淇（Niki）慘成謝天華取笑對象，天華還拿最近因穿三點式現身旅遊節目而出位的有料之人李璧琦與Niki比較，被狂寸冇身材的Niki惟有封天華做賤精。
新劇《女警愛作戰》昨舉行宣傳活動，眾演員在現場玩中港矛盾，演大肚婆的李綺雯高呼：「還我奶粉！」程可為為劇中演記者的兒子謝天華爭取新聞自由，諷刺近日有香港記者在內地被打的風波。
天華與周麗淇則不停互窒，身材平平的Niki連番被天華狂寸「冇料到」。謝天華自爆在劇中扮男妓放蛇，還會被李璧琦「迷姦」。談到李璧琦最近在旅遊特輯穿三點式勁騷34C身材，天華起初以為主角是Niki，於是一臉不屑笑說：「睇唔睇都冇所謂啦！」
當得知主角是李璧琦，天華即大嘆走寶，還不忘再笑Niki：「李璧琦梗係勁過周麗淇，求其搵兩件都勁過佢！真係要上網睇番，如果係周麗淇就用快鏡睇算。」到在台上介紹朱璇及李璧琦時，天華仍不放過Niki：「你睇吓人哋幾斯文，又有腳，乜嘢都大過你。」Niki即回敬天華說：「佢戲裏同現實一樣咁賤！」
Niki在劇中飾演剩女，現實中仍是單身的她坦言演得投入，還自封剩女團領隊：「個角色同我一樣都係事業順利，但愛情唔如意。過咗30歲難免會令身邊人擔心，不過唔嫁好過嫁錯！」
盧宛茵離巢
李璧琦昨晚在旅遊特輯再與李亞男穿三點式爭「峰」頭，令網民大讚，對於該節目反應不俗，她說：「祝佢哋（網民）身體健康。今次係我入行第一次着到咁性感，最緊要係意識健康。」
《女》劇已在海外發行及有網上版本流傳，但監製張乾文表示香港版本已重新剪輯及拍了新結局，不擔心影響收視，而有份演出的許紹雄昨在活動上踢爆劇中老婆盧宛茵已過檔香港電視，她也沒現身宣傳。
文：影視組