超雲獲山聰專業指導

「賭王千金」何超雲、余思敏等昨日出席Estee Lauder旗下品牌Osiao新亮肌再生眼霜發布會。超雲以一身性感造型亮相，又露出玉背，非常搶鏡。

有份拍攝廣告硬照的超雲，坦言男友陳山聰及家人均給予不少意見，並對廣告效果感滿意。問到她會否多接娛樂圈工作？她坦言：「考慮吓。（唔抗拒？）從來都唔抗拒，只係以前少接觸。（鍾意做模特兒工作？）都想試。（拍劇？）冇乜興趣，都係對時裝大興趣啲。」

露出白滑玉背的超雲相當搶鏡。

陳山聰早前出席女友超雲的生日P。（資料圖片）

冇分主家席

另外，提到於她生日會當天，男友陳山聰並非主家席的座上客一事，她笑言：「嗰日得兩枱，邊有分主家席。（山聰以男主人身份招呼其他朋友？）我屋企好casual。」另外，她透露賭王送了首飾給她做生日禮物，而山聰則送了飾物。問到她與山聰是否合資創辦時裝生意？她回應：「你哋成日都傳不實嘅嘢，我唔需要答。（即係唔係真？）唔係真。」

女兒口才好

而同場的余思敏則透露近日忙於為女兒準備入學面試的事宜，並高興地表示醫院的護士大讚其女兒說話能力好，笑言她盡得自己及父親鄭中基的優良細胞。

文：名人組