Eason自嘲眼力差 唔覺G.E.M.大牌
陳奕迅（Eason）昨日為好友車婉婉的節目做錄影訪問，提到主題是講「信任」，Eason自嘲「口疏」被母親說他任何事都講人知，所以不要和他說秘密。談到鄧紫棋（G.E.M.）在前晚舉行的香港電影工作者總會頒獎禮中獲得「音樂傑出表現女歌手」，升呢與獲得男歌手的他同一Level，Eason笑言：「差唔多啦，佢冇我咁乖囉，我早啲有經歷，佢都仲有一段時間經歷下，係必經階段嚟。」對於G.E.M.被指耍大牌，Eason抵死笑謂：「佢喺我面前冇喎，應該耍唔到。（耍咗你唔覺？）都唔出奇呀，我唔想用目中無人四個字，但我真係成日都睇唔到嘢。（用發雞盲？）唔好，一陣話我歧視啲雞點算。」
Eason又謂霆鋒在他面前是另一個人，像早前被拍兩人在中環，當時霆鋒還當街跳舞給他看，之後記者才出現錯過霆鋒舞姿。而車婉婉對與霆鋒合作開「鋒車飲食集團」一事？婉婉只謂她和霆鋒一樣少說話多做事，一切仍未開始。
奉旨摑型男
至於G.E.M.的演唱會主題曲《潛意式的殘酷》MV，昨在香港、內地首播，她專程遠赴美國拍攝該MV，並奉旨與外籍型男上演夕陽談情戲份，重頭戲則是她與型男在荒野激烈鬧交，為求逼真，更順應對方要求，出力摑對方一巴。
文：音樂組