曾與阿嬌傳緋聞的無綫娛樂節目主持人黎國輝（阿感）昨在微博發牢騷，並上載一張自己染了紅髮但戴帽的相，又寫道：「今天收到『訓導主任』叫我戴『頭盔』，原因不需多講，讀書咩？扣學分？影響中學生形象？定教壞小朋友？你唔同叻哥、志偉、千嬅他們講？我知道原因，因為我唔X紅，X係代表無限，即係唔夠，不是罵人！」
阿感昨接受電話訪問時說：「今日（昨日）開工有助導叫我戴番帽，我覺得好專制，我又唔係細路。完全冇了解點解我染髮。我覺得好似唔紅就話唔到事，又唔見佢哋叫莊思敏染黑個頭？（你指嘅訓導主任係高層？）應該係！如果公司再叫我，都會染番黑。」而無綫非戲劇部製作經理張志明透過電話回應，指希望娛樂新聞主持能有記者的專業感覺，他重申：「主持做訪問唔應該大牌過個星。」