關楚耀大蝦細 玩謝麥家瑜
藝人關楚耀（Kelvin）近年拍劇、拍戲，現更踩入主持界，早前Kelvin拉埋師妹麥家瑜（Keeva）化身潮流達人，主持潮流節目，自稱是「潮流大鄉里」的麥家瑜卻慘被師兄寸為「窒女」，認真失威！
甚有潮流觸覺的型男Kelvin，近年殺入公仔箱，拍劇之餘更撈過界做主持，食正老本行主持潮流節目，他笑言這次可以因利乘便大買潮物：「之前忙拍劇，冇時間買衫，所以今次主持潮流節目買咗好多潮嘢，不過就使多咗好多錢。（自稱潮流達人？）其實潮流嘢都係日常生活嘅品味嚟嘅。」
被嘲「表窒女」
作為主持初哥的麥家瑜則笑言要多謝師兄「傍住」，不過她自稱「潮流大鄉里」，所以經常被師兄寸，結果慘成「窒女」：「第一次做主持，好彩有師兄帶住我，幫我補位，不過我係潮流大鄉里，成日畀佢哋窒，仲笑我係『窒女』，有時仲要係『表窒女』。」她又笑言師兄不算惡。
唔怕會傳緋聞
問到近年是非多多的Kelvin可否擔心和師妹合作傳緋聞？他笑言不會和她「亂倫」：「做嘢怕咩！我不嬲當佢係阿妹咁樣！」而麥家瑜亦說不怕會和師兄傳緋聞，即將再度出新碟的她更多謝師兄幫助：「唱片公司入面我算年資淺，大家都好錫住我，好開心公司其他師兄都好撐我。」
文：音樂組