薛凱琪悉尼封后雙親同賀
歌手薛凱琪（Fiona）昨日出席品牌活動，她表示剛從悉尼憑《懸紅》奪得「金考拉國際華語電影節」最佳女主角寶座回來，坦言感到非常高興：「好得意，嗰度啲評審唔識華語，唔知邊個係薛凱琪，第一次參加咁嘅影展。」問到如何慶祝？她表示旅行已慶祝：「入咗行九年都冇同父母去旅行，今次去澳洲帶埋父母去玩，（喺香港會否再慶祝？）返嚟要錄音，會將個獎擺喺公司。」
對於有北京學生批評《低俗喜劇》，以及質疑票房，Fiona坦言：「票房冇得虛假，我哋做戲係畀大家睇，唔只讚賞，任何批評對自己都係得益，唔會嬲。（安慰導演同杜汶澤？）佢哋好堅強，唔需要我安慰。」談到吳雨霏與余文樂的戀情，她說：「完全唔知，畀佢哋自由戀愛，因為我都希望有日拍拖，大家都畀自由我。」