王君馨當爸爸情人
前港姐亞軍王君馨與無綫藝員阮兆祥早前拍劇結緣，成為螢幕情侶，原來二人私下都老友鬼鬼，日前更相約製作中式甜品桂花糕，希望可以用製成品來冧情人。君馨說剛過去的情人節與爸爸一起過，祥仔則說平時靠生活瑣碎事氹女友。
王君馨和阮兆祥早前在劇集《法網狙擊》發展感情線，雖然劇集已經播畢，不過二人仍保持聯繫，日前更相約製作玫瑰花形桂花糕。當天，兩人準備了杞子、桂花、糖等材料，然後將材料倒進熱水攪勻，再倒入模裏冷藏，三小時後，兩人就一起品嘗桂花糕。
整甜蜜桂花糕
問他們為何炮製中式甜品？祥仔即大搞爛gag：「中西合璧，是甜蜜的！」令君馨狂笑。其後祥仔才一本正經說：「桂花糕係甜品，代表甜蜜，桂花又寓意花開富貴！」
問一向多計的祥仔平日如何冧女朋友？他說：「要女仔冧，只要你平日喺啲日常瑣事表現到關心佢就得，譬如佢放工返嚟見到我煮好飯、煲好湯，佢應該會好開心。」
君馨唔提男友
問君馨早前如何度過情人節？之前被踢爆與初戀男友復合的她回答得相當有技巧：「人哋話爸爸係個女上一世嘅情人，所以我情人節同爸爸一齊食飯，因為爸爸係我喺香港唯一一個比較close嘅親人，而媽咪喺紐約就有家姐阿哥陪，所以我就陪爸爸。」
文：專案組
攝：秦健輝
場地：香香燒Pop Bar&Grill
髮型：Patrick@HH Salon、Eddy@Salon Square
化妝：Stephen.L