顏子菲 古卓文狼吞填空虛

亞姐顏子菲身材高挑又上鏡，但無奈孤芳自賞仍是單身，日前她相約混血星光幫好友古卓文（German）大開食戒，到新蒲崗著名扒房撐枱腳，狂擦澳洲牛柳拼龍蝦、全份燒排骨、鵝肝伴T骨及西班牙海鮮飯，兩人見到美食即雙眼放光，食肉獸German開懷食個不停，搞鬼的他又不時放笑彈氹子菲開心。

享受單身 大把人氹

子菲直言身邊不乏異性好友令她繼續單身快樂：「唔知點解識親男仔都變晒兄弟，佢哋都會捱義氣得閒畀驚喜我氹我開心。」經常拍飲食節目的她，提起愛情也以飲食作比喻：「我最鍾意食牛柳拼龍蝦，集合陸地同海洋嘅美食，就好似現實中愛情同事業未必並存，所以惟有寄情食嘢！」她直言不急拍拖，早前情人節亦是悶爆約好友做運動：「我唔會好期待，愛情急唔嚟，希望30歲至35歲結婚就好。」

German直言現在是事業搏殺期，希望投放更多時間工作，今年新春及情人節亦是跟恩師肥媽到美國登台，並自嘲身中魔咒，多年來均是單身過情人節，子菲笑問他是否想節省買花錢，German即急急否認：「對女友日日都可以好Sweet啦！平時都會畀驚喜o架！」

文、攝：立影

場地：Houston Restaurant & Cafe