君如唔敢話峯語唔襯
身為吳千語經理人的黃百鳴，昨晚被問對「峯語戀」有何睇法時，他謂：「男未婚女未嫁，光明正大，依家公開咗仲好，唔使偷偷摸摸。」
對於「峯語」一個月去三次旅行太密，黃百鳴稱：「唔知依家啲年輕人點諗。」他又表示年中會上映一套電影《詭眼3D》，「峯語」都有份參與，但不是一對。問知否林峯拍攝時遲到？他說：「冇喎！拍我嘅戲時好乖。」
同場的吳君如笑言在千島湖拍戲時察覺不到林峯與千語拍拖的蛛絲馬迹。問覺不覺二人相襯？她說：「梗係襯！唔通想我話唔襯咩？個個孖住喺機場返，幾開心。（余文樂唔認戀情！）可能後生仔唔知點表達，我當年都係唔認嘅表表者！」