黃凱芹（Chris）去年舉行的25周年演唱會叫好叫座，食住個勢決定下月28及29日假伊利沙伯體育館舉行兩場演唱會。Chris前日專程由加拿大返港宣傳個唱，他說：「細細個已經好想畫動畫，為咗首新歌，我花咗5個月時間製作一條短片。」隨即播放給傳媒欣賞，短片的女主角酷似Chris好友周慧敏，他謂：「呢個公仔係我創造，係親生女嚟。」他又透露正設計一段90分鐘的動畫電影，希望角逐《金像獎》及《金馬獎》電影頒獎禮獎項。
