被嘲愈來愈肥 Eason囂張：一樣受歡迎

Eason昨日與好友黃偉文（Wyman）、時裝設計師何志恩出席活動，Eason被記者嘲笑肥了一個碼，他即囂張地說：「肥唔肥唔重要，都一樣咁受歡迎！」

讚老婆跑馬拉松勁

問可有與老婆徐濠縈一齊跑步？他笑指阿徐瘦到有「肯雅徐」之稱：「乜你哋唔知佢有呢個名？佢跑開馬拉松。我隻腳未好番，我係短跑咋，跑20米。（囡囡康堤有冇話你好攬咗？）冇，不過佢攬多咗我。我冇磅過，但感覺輕咗。」他又大讚Wyman雖然身材肥胖，但着衫一樣好睇，並說：「梁漢文身材就好標準，不過呢排粗咗，而我就一向都咁粗。」

徐濠縈被老公踢爆有「肯雅徐」的花名。（資料圖片）

穿上何志恩（中）設計服飾的陳奕迅，大讚黃偉文着衫好睇。

Eason透露享受完三周假期後，昨天第一日復工：「之前有人群恐懼症，休息一排好咗。」提到七月舉行演唱會，他謂正在練氣功：「練氣唔係練瘦，上次同林德信做完瑜伽好攰。」他又稱忙於籌備演唱會：「開始信用卡優先訂票，但個宣傳海報用咗舊相，點解嘅？」問到怕不怕被「追飛」？他說：「所以內容好緊要，如果唔係下次就冇人再追飛。」

同場的何志恩首次推出男裝系列，她透露Eason穿了其作品。她謂：「無論設計男抑或女裝，都係設計畀真嘅人着。」問到會否繼續為Eason的演唱會設計服飾？她則大賣關子：「睇吓點。（有冇邀請你設計？）傾緊，可能佢會想自己設計呢！」

文：名人組