羅力威讚陳偉霆Nice
有報道指陳偉霆（William）不滿羅力威加盟英皇後分薄資源，更向對方爆粗，二人異口同聲否認，強調雙方非常老友。William怒斥報道：「簡直笑話！」問覺不覺得公司偏心羅力威？他說：「報道話我舊年冇出過碟，但其實我有出過一隻。我會去橫店拍戲3個月，工作已經排到年尾，我同羅力威都唔同路線，冇得比較。」
羅力威亦力撐好兄弟：「咪睇William黑黑實實，其實佢相當Nice，佢係我喺公司最交心嘅朋友，新年先至上去佢屋企玩。佢有好多戲拍，呢方面我要努力追上。」二人心有靈犀表示毋須致電對方解釋，亦不擔心Fans掀罵戰。