任達華鬼打鬼搶張家輝頭啖湯
張家輝有意演而優則導，同是影帝級人馬的任達華不讓對方專美，搶先一步宣布集演、導、攝於一身，月內開拍自己的「重頭巨製」，自喻小學畢業生的他希望新作能反映香港情懷，且笑言因為負責「打雜」，要將片酬大大提升！
從影逾36年的任達華年前因為接拍杜琪峰電影關係，錯過與張曼玉前夫阿薩耶斯合作執導電影《登機門》，不過機會總會留給有能之士，最近盛傳他再獲電影公司誠邀夥拍陳果及劉國昌聯合執導鬼片，各人分別負責一個約長30分鐘的故事，情形與當年《三更》異曲同工。據悉，華哥負責部分改編自小說家李碧華的手本，「處男下海」的他難免心情緊張，剛由韓國公幹返港的他，連日來忙於與工作人員開會做準備。
無獨有偶，早前張家輝承認稍後將首執導演筒開拍鬼片，為支持本地製作，他更願意減收片酬，不過計劃最快亦要下月中才有進一步消息，想不到華哥成功搶飲「頭啖湯」，處男作暫定本月28日開鏡，不過據知角色人選至今未有最後定案。兩大影帝由幕前鬥到幕後，觀眾粉絲大可擔櫈仔等睇好戲！
揚言「打雜」要加酬勞
記者致電華哥求證，一向大方的他忽變口密：「你點知呀？（古仔係點？）真係未講得住。（女主角邊個？）未必有喎，我呢啲小學生拍畢業作品，拍得自己肉酸唔緊要，無謂搵啲靚女嚟搞啦。（減片酬支持本地製作？）唔會喎，我又演又導又做第三攝影師，同打雜冇分別，梗係要加多啲人工啦。」華仔揚言今次首肯當「打雜」，主要是被鬼片題材吸引，亦希望自《歲月神偷》後再為推動香港情懷出力。
文：影視組