Bobby首曝光「OK」報平安

藝人歐陽震華（Bobby）情況已無大礙，日前透過電話訪問親述生死十二小時經過。昨晨他離開病房接受身體檢查，至十一時坐在輪椅上的Bobby由醫護人員推出升降機，準備回病房，這是Bobby自出事後首度曝光，由於醫護人員推着輪椅未有停下來，現場所見，Bobby身穿病人衫、戴口罩和帽子，精神不錯，見他身上帶上一份報告，問到身體狀況如何時，他則以「OK」手勢回應，並開腔表示「過幾日出院」。經理人Lydia透露Bobby因插喉而令手部痛楚，故要接受檢查，並說：「星期四應該未出得院。」Bobby太太傅潔嫻於下午一時前來探望。

客串《On Call》做病人

傍晚五時，曾在《妙手仁心》飾演程至美醫生的吳啟華到醫院探望，半小時後離開時說：「今日帶愛心同關心嚟。佢話已經好番八成。佢好精神，都唔似病人，只係冇剃鬚，佢仲識得講笑，仲話想客串《On Call 36小時II》做病人。佢話想開工，我話又唔係趕出街。佢有個好太太照顧可以休息吓先。我都有叫佢飲少啲，可能佢拍劇辛苦先飲多咗少少。」

歐陽震華（Bobby）	吳啟華爆Bobby同佢講笑。	郭少芸（左）和梁靖琪結伴到醫院探望Bobby。

郭少芸大讚靚仔咗

而郭少芸和梁靖琪（Toby）昨日亦結伴探望Bobby，郭少芸表示「從未見過Bobby如此後生、靚仔和精神，very good。」另有傳梁靖琪與羅仲謙兩年前拍攝劇集《團圓》時撻着，Toby說：「唔係事實唔回應。」另又有指她在《戀愛季節》中是後補頂上演出，她說：「係咩？唔係喎。（同羅仲謙撻着？）我哋演員嘛。」問到是否拍過拖，在旁的郭少芸即嚷着肚餓拉Toby離開。

文：影視組