張兆輝慶幸冬天駁火

藝人謝天華、張兆輝、林偉、翟威廉及溫家偉等昨日到粉嶺拍攝新劇《神槍狙擊2013》，眾人全副武裝、擒高又撻地，於荒廢的學校內駁火，張兆輝則坦言有點辛苦：「好彩唔係夏天，但full gear都有啲辛苦。」林偉稱曾為電視電影拍爆破場面，因當時全劇個半鐘，故劇情更緊湊。
身穿全副武裝的張兆輝坦言感到辛苦。
身穿全副武裝的張兆輝坦言感到辛苦。

惟身穿風褸、手執望遠鏡兩頭望的天華最輕鬆，他笑稱：「係做狙擊手嘅福利，我哋都要冒住畀蚊、蛇咬！仲有好多大場面，爆破、飛車未拍，有場講刺殺總統，同埋身肉搏戲！（床上肉搏？）有，但未拍，對手未知！」有指同劇徐子珊與周海媚爭戲份，天華認為是宣傳效果，並謂二人由頭帶到落尾，均好重戲份。

謝天華手持望遠鏡輕鬆拍攝，笑言要畀蚊咬。
  • 謝天華手持望遠鏡輕鬆拍攝，笑言要畀蚊咬。