阿嬌蜜遊越南被搶電話
曾與吳克羣傳緋聞的鍾欣桐（阿嬌）昨日接受電台訪問，大方透露剛與韓籍男友K先生到越南旅行，但發生小插曲。她說：「攞手機查地址，點知被電單車黨搶電話。（男友保護唔到妳？）追都追唔切啦！」阿嬌坦言電話內沒有慾照：「最激死我係唔見晒啲遊戲，打咗好耐，當破財擋災。（同男友去邊度玩？）捐地窿。」
問到情人節收到甚麼禮物？她說：「佢話送番部電話畀我，我話唔使，不過搞到我晚晚發噩夢，不斷重複被搶畫面。」記者笑她可攬實男友，她則沒有回應。提到過氣緋聞男友余文樂與吳雨霏「撻着」，她謂：「睇到雜誌封面。（襯唔襯？）係鍾唔鍾意啫。」