Ana R.團圓甜品饗男友
混血名模Ana R.與男友Brad將共度拍拖以來首個元宵佳節，Ana為令男友倍添甜蜜，特地跟大廚學整湯圓和心太軟來冧男友，寓意兩人團團圓圓。原來Ana平日亦會為男友炮製愛心餐，她細心說：「我會煮午餐同晚餐畀佢，午餐佢會帶返公司食，因為佢練拳，對飲食方面好嚴謹，食材同分量都要控制。」她透露男友最愛她的烹飪手藝，她笑說：「原來煮嘢好味真係可以捉實男人嘅心！」
Ana跟男友雖只拍拖7個多月，但Ana的父母幾乎已認定Brad作未來女婿，更大爆母親曾說下次再來港探望兩人時就要生BB了。Ana亦坦言今年的新年願望是努力工作，希望能儲錢結婚。
場地：Three on Canton@港威酒店
