陳嘉容越洋收玫瑰

名模陳嘉容（Eunis）、藝人馬德鐘（Joe）與太太張筱蘭、鄺美雲（Cally）男友林達民、呂良偉及太太楊小娟、賭王長房女兒何超雄、陳爽等昨日現身馬場。Eunis透露新年到了紐約旅行，恰巧遇上當地大風雪，幸好有驚無險，如期返港。

問Eunis是否與早前被拍得在街頭激吻的印裔男友同行？她大方回應：「一大班朋友一齊去，都包括佢。（情人節一齊過？）冇，但有驚喜，越洋收到11支玫瑰同一張好有心思嘅卡，寫啲感動字句。」由於11支玫瑰乃暗喻一心一意，難怪Eunis表現得心花怒放。問到二人會否拉埋天窗時，她不置可否，只表示待上天安排。

婚後的陳爽也有現身馬場。

馬德鐘與太太恩愛到場。

馬德鐘望做馬主

馬德鐘伉儷亦甜蜜出巡，問到二人情人節如何慶祝？Joe笑言：「冇乜特別。（禮物？）後補，都有朱古力。」此時他的太太笑言：「我送咗成個人畀佢。」另外，他透露從小便喜歡馬匹，並希望能於一、兩年內買馬，成為馬主。林達民則單拖出席，坦言剛剛與Cally的泰國之旅玩得非常開心，他續說：「有四對情侶同行，情人節都喺嗰邊過。」他們並互相送贈家居用品給對方為情人節禮物。

呂良偉與太太楊小娟則於新年期間到了馬來西亞做善事、放生了八千斤魚、帶兒子到老人院及孤兒院進行探訪等，非常有意義；何超雄則表示父親賭王出院，令她感開心。

文：名人組