張家輝街頭駁火 惡漢踩場

張家輝與Daniel放完新春假，復工拍攝英皇新片《魔警》，劇組昨午於尖沙咀拍槍戰戲。導演林超賢安排身穿警服的家輝向人群亂槍掃射，一眾臨時演員於槍林彈雨中左閃右避，Daniel則被困衝鋒車內動彈不得，惟有遠距離開槍欲制止家輝，吸引不少附近街坊及途人停步圍觀。

劇組開工被阻

正當一切準備就緒之際，演員準備埋位時，突然有數名大漢現身阻礙劇組開工，期間有人表現相當激動，喝罵聲令全場鴉雀無聲，一度令工作人員大感無奈，幸好幾經交涉後事件最終平息。原來當時家輝與Daniel在休息處亦目睹一切，二人表現處之泰然，Daniel表示：「唔驚，咁多人喺度，唔會有事發生嘅，製片搞得掂啦。」

吳彥祖拍戲遭踩場，顯得全無懼色。

拍攝現場響起槍聲，眾臨時演員紛紛走避。

對於拍攝受阻，家輝輕鬆半開玩笑說：「唔知點解，拍呢套戲成日都有類似嘅情況發生。」果然見慣大場面。

張家輝之後換了另一套警服再拍開槍戲。

劇組昨日還拍攝了臨時演員走避時跌倒的場面。

向人群狂掃射

相比大漢踩場，家輝比較緊張其揸長槍姿勢，不時在場練習，更搞笑問記者：「我型唔型？」其實入行前曾服務過警界的家輝昨日揸槍手勢純熟。

戲中改正歸邪的家輝埋位時即入戲，林導一聲令下，他即不理身後衝鋒車上被困的Daniel，向人群亂槍掃射，數以十發反應彈槍聲震耳欲聾，立時煙霧迷漫，附近不少樓上住客探頭張望，最搞笑是他們未被槍聲嚇倒，反而是想睇明星及用手機拍照。至於Daniel收工後即更衣登保母車離開，相信是趕返家照顧大肚老婆。

文：影視組