黃浩然被爆4月再做老竇
黃浩然喜事密冚，遭老友鄭則士於微博洩密，爆他四月又當爸爸。而預產期為三月的湯盈盈則挺着大肚，日前與老友梁靖琪（Toby）和其姨甥仔Preston到主題樂園慶祝四歲生日，更笑言將來要對親家。
暗示湊個好字
已有兩歲大愛子的黃浩然，其太太再度懷孕，將於四月生B，未有透露性別，但浩然相當緊張，已開始陪放「產期」，日前一家三口與老友鄭則士拜年時，鄭難忍喜悅之情，終在微博爆浩然四月又做爸爸。記者向浩然恭喜，經理人電話回覆承認此事：「佢依家開始放假，佢太太嘅預產期係四月，仔、女就未知，（湊個好字？）梗係好啦！」
挺大肚遊樂園
至於下月生得的盈盈，非常受小朋友歡迎，其老友Toby的姨甥仔Preston每次見盈盈都錫錫她的肚，看來假以時日Toby和盈盈可能要對親家，做埋親戚。Toby稱盈盈是她家常客，因此與Preston感情要好，Toby笑說：「咁我第時生嗰個又可能要對喎……不過唔緊要啦，到時我可能生個仔呢！」食過自助餐後，Toby等一家人到樂園玩，童心未泯的Toby與老公黃敏豪更玩「巴斯光年」，又與盈盈跟米奇老鼠合照，玩得比Preston更投入。
文：影視組