張名雅選華姐懶理朱千雪跑出
應屆香港小姐冠軍張名雅、亞軍黃心穎和季軍朱千雪同樣在加拿大成長，在農曆新年三人齊齊炮製湯圓和賀年蛋糕，實行要中西合璧賀年。新年期間要參加華姐選美的張名雅雖然努力減磅，但面對油膩的賀年食品，她笑謂也要應節照食可也。
張名雅指在加拿大由於沒有農曆新年假期，新年氣氛要靠自己去製造，香港過年則熱鬧好多。黃心穎今年首次返鄉過年，她說：「婆婆年紀大，所以今年特登返去陪佢過年，仲帶埋后冠影相。」「舞功」了得的黃心穎原來以往每逢新年也忙個不停：「由細到大新年都要周圍去表演中國舞，有十幾年都係表演中度過。」朱千雪屋企就最傳統，過年要集齊三姊妹跪下向父母拜年逗利是。朱千雪在港姐中率先跑出拍劇，問張名雅可會羨慕？她說：「冇諗咁多，依家做好華姐先，工作等公司安排。」
攝影：謝國華
場地：add@Prince（太子酒店）
髮型：HAiR（又一城）