林保怡愛收硬利是軟嘢掉落街
林保怡並非出生在大富之家，但過農曆新年一樣自得其樂，尤其逗利是。他每收到紅封包都會樂翻天，可是當年所收的都是「硬嘢」，對金錢概念以為愈硬愈多，就是這樣，鬧出一個令他至今仍難以忘懷的笑話。
保怡說：「大約六、七歲嘅時候，因為家境問題，通常逗嘅利是都係硬嘅，從此喜歡硬幣，逗埋逗埋一棟棟好好玩。啲一蚊五蚊好大個，最多係一蚊，何其壯觀！好開心，自己好似一個富翁咁。」他續說：「有一日，爸爸個朋友封咗封軟嘢畀我，一摸，都唔係硬嘅，就一手掉咗落街，哈哈哈！跟住爸爸個朋友拜完年後，爸爸就問我：『仔，封利是呢？』我就話唔係一蚊嚟o架，掉咗喇！你話幾傻呢？」
場地：Lupa