君如拍咀戲蝕畀志偉
藝人吳君如、王晶、陳嘉桓、伍允龍等現身觀塘，宣傳新片《笑功震武林》，君如投訴戲中與她有咀戲的曾志偉說：「志偉當拍愛情片，好認真咁咀到我成面濕晒，仲猛NG，我蝕晒底畀佢！我懷疑佢有少少特登囉！算啦，就當係我送畀佢嘅60大壽生日禮物啦！其實我入行以來最憎拍咀戲，就算係靚仔對手都係咁話，又唔熟，但唔知點解我成日中咀戲！我試過帶埋牙膏、牙刷、嗽口水，喺對手面前刷牙，意思係唔該佢都刷一次至好埋位。（不如宣布『封嘴』？）咁又唔得，我係演員嚟！」
此外，同場的伍允龍對於被指與鍾嘉欣相約在加拿大密會，他反問：「唔知個記者點樣證明我唔喺香港呢？」