張家輝勸戒酒歐陽震華扭計
歐陽震華（Bobby）已入院5天，精神狀態開始好轉，太太傅潔嫻及經理人Lydia昨午帶同免治牛肉飯及薑湯到醫院探望，並透露素有潔僻的Bobby已自行落床擦牙及洗澡，現有量血壓兼接受物理治療，不過當問到患上肺炎的他何以接受物理治療，傅表示：「呢啲醫學上嘅嘢，我唔係咁清楚。」
無綫監製陳家樹及莊偉健及Bobby好友張家輝昨午現身醫院，家輝逗留個多小時才離開，他表示Bobby一切正常：「我同佢講，大難不死必有後福，身體響起警報，半年唔可以飲酒，佢面色一沉，覺得等同坐監，不過佢靜雞雞去『入油』，我諗冇人阻到佢。」他又指太太關詠荷原與他同行，奈何最終因要開工，惟有作罷。
