朱薰平台燒烤鄰居投訴
DJ朱薰夫婦被爆料再度滋擾鄰居，爆料人指居住在西灣河某住宅平台的朱薰，去年在平台燒烤被投訴並驚動警方。今年朱薰夫婦又在初二及初五分別跟陳奕迅、張繼聰等好友燒烤，並滋擾到鄰居，爆料人並提供兩晚他們燒烤的照片。對此朱薰昨日在電話中嘆道：「無奈，唔知可以做啲乜。」她坦承被住客投訴，但從未收過警告信，她說：「我又唔係日日燒，都係過時過節燒。」
改用環保炭
朱薰表示去年接到投訴後，已跟管理處了解過她的平台是可以燒烤的，但住客投訴有煙味，今年她改用環保炭，但依然被投訴，她說：「燒嘢食好難冇味，煮餸都有味，我哋都好自律，夜晚十一點幾都返晒入屋。」她購買該單位也是因為有平台，她說：「我會再同管理處協調吓，睇吓點樣讓步，買個平台唔可以永遠唔燒烤，但依家都搞到好大壓力，覺得好恐怖。」
而朱薰老公阿榮、即樂隊Mr.成員Dash的孖生弟弟，表示他們在合理情況下做合理的事，既然被人投訴，他也會正視問題跟管理處洽談。而張繼聰透過公司說：「我尋晚確係喺朱薰屋企燒嘢食，但我完全唔知有事發生過。」
文：音樂組