張衞健當眾搞喊老婆

BIG FOUR一連六場演唱會前晚於歡呼聲中結束，吸引葉佩雯與老公、黎芷珊、八両金及八両仔捧場，四位成員的另一半亦有現身打氣，張衞健（健仔）成功做出蜈蚣彈，自讚「寶刀未老」，三位兄弟取笑兼大搞不文說：「40幾歲咁樣彈一彈，十晚冇嘢做。」
健仔送花贈吻，搞到老婆仔張茜眼濕濕。
健仔送花贈吻，搞到老婆仔張茜眼濕濕。

健仔取笑蘇永康其中一個造型似八両金，在場的八両金起身與觀眾打招呼時邊行邊用梳梳頭，健仔忍不住說：「喺我面前梳頭，擺明寸我啫！」他又問八両仔有否拍拖：「你識唔識唱《奶垂》（那誰）？唔好同女朋友咁講，小心畀人兜巴星。」前日是情人節，健仔手持鮮花走到台下送給母親及太太張茜，又分別錫了二人一啖，令張茜眼濕濕！

BIG FOUR演唱會圓滿結束，在後台與狄波拉及鬍鬚Kong（左二）合照。
  • BIG FOUR演唱會圓滿結束，在後台與狄波拉及鬍鬚Kong（左二）合照。