蔡少芬挺肚總動員搵奶粉錢
藝人蔡少芬（Ada）首次跟朋友搞童裝生意，腹大便便的她昨天在觀塘更和女兒張楚兒母女檔為品牌拍宣傳照，老公張晉亦有到場支持，場面溫馨。21個月大的楚兒拍照時表情多多，非常精靈。
穿上白色可愛短裙的Ada，手腳纖瘦，完全不似已懷孕數月。問到投資銀碼，Ada笑言：「本身係7位數，諗諗下有8位以上，我一家人一齊做宣傳，第一次出賣我個囡呀！我都唔平o架！落重本呀今次！」這次Ada還擔任設計師，可謂出錢又出力。Ada還自爆楚兒已懂得揀衫：「有對鞋佢死都唔肯着，係咁『No！No！No！』，有啲衫着咗，佢望下唔鍾意就除！」看來楚兒深得父母真傳，有性格又醒目。