千語爆東京峯情口震震分房瞓

三十三歲林峯公開與十九歲的吳千語拍拖後，二人趁農曆新年期間到了日本東京度歲，可惜被網民踢爆洩露行蹤。昨日，吳千語容光煥發亮相時裝品牌活動，全程甜笑的她每當提到林峯都有點緊張口震。與林峯度過首個情人節，她透露到銅鑼灣共進晚餐慶祝，並說：「仲有幾個朋友，食飯一班人開心啲，兩個人好似好悶。（收到咩禮物？）未收到。」對於林峯早前透露想與女友拖手行銅鑼灣，問到情人節有否拖手，她說：「冇，都想低調啲。」

電話拜年冇去廈門

對於東京之行，吳千語指事前有通知母親，此行數天感到開心。至於會否介意被指預支蜜月，她說：「其實係幾個朋友一齊去，只係唔同地方出發，但都冇諗過畀人知。」問到與誰同房，她口震震說：「我哋有男有女，呢啲太私人嘅嘢唔想講，但係分開房。」追問是否與林峯分房瞓，她則點頭示意，她續說：「今次係食嘢為主，（AA制？）食飯朋友輪流畀。」對於行蹤被揭，林峯登機證被上載到互聯網，她為男友出頭說：「證件好私隱，咁樣唔係咁好，影人都OK嘅。」此外，她又否認到過廈門探望林峯家人，但承認有透過電話向他們拜年，她說：「順其自然啦，唔去急呢啲。」

林峯	吳千語返到鰂魚涌公司，不知是否被追訪，搞到要除衫。	吳千語戀情公開後首度露面，被記者群採訪。

追求攻勢要保密

林峯揚言是為了捍衞女友及家人，故單方面公開戀情。吳千語坦言事前並不知情，還感激對方為她澄清和維護，她說：「好欣賞佢呢樣嘢，我冇諗過佢會咁講，所以聽到後好愕然，但開心嘅。（林峯粉絲有意見？）平常心啦，每事都有人鍾意有人唔鍾意。工作時工作，其他時間放鬆吓都好正常。（你係林峯拍拖期間主動公開嘅女友？）開心嘅。（佢好有承擔？）佢不嬲都係，好有責任感，對朋友好照顧。」問到是否因拍戲而撻着，她強調由相識到拍拖是一步一步來，不是突如其來的，但問到林峯追求攻勢，她說：「呢啲留番畀自己啦，小秘密。」問到林峯有何優點，他甜絲絲說：「細心啦、對朋友好，男仔最重要有責任感。」雖然二人年齡有差距，但她表示溝通上沒有問題，並說：「佢性格好小朋友，佢好鍾意玩具，佢鍾意嘅嘢、話題都溝通到嘅。（情侶檔拍戲？）唔知，公司安排。」活動完結後，她乘七人車到觀塘接受採訪拍照，至傍晚六時離開，再到鰂魚涌公司，問到會否與林峯吃飯，她愕然說：「我返公司呀。」

文：影視組