焦媛郭錦恩開放談性
舞台劇演員焦媛與郭錦恩相隔六年，將聯同羅冠蘭攜手重演經典舞台劇《陰道獨白》。劇中以女性為主題，亦涉及敏感和性的對白，郭錦恩表示：「好多人對性題材好抗拒和尷尬，尤其係男性，所以今次搞咗男士之夜，男士會有折扣優惠。相隔六年再做，希望社會對性話題更開放。」
育有兩子一女的郭錦恩，問到會否帶小朋友到場欣賞，她說：「我都考慮緊，唔知小朋友見到媽咪講性題材會有咩反應。」相隔六年再度合作，郭錦恩佩服焦媛一個月內演出數個不同類型的舞台劇，而焦媛則說：「佢咁多年都無變，生完小朋友仲保持到咁靚。」