林子善嘆舖租貴拉長營業時間

很多藝人百足咁多爪，進軍飲食業賺多筆。經營茶餐廳的林子善之前開了第二間分店，親力親為的他經常要兩邊舖頭睇檔。問是否做飲食業賺好多？他謂：「其實行行都有得做，睇吓肯唔肯去做啫！飲食業舖租都好貴，自己惟有比其他對手拉長時間去做。（賺番本未？）第一間都仲未回本，預算年半啦！（開第三間分店？）仲諗緊，如果要開，都會揀番香港區。」
林子善一有時間便會落舖頭幫手。（資料圖片）
林子善一有時間便會落舖頭幫手。（資料圖片）

由歌手轉做生煎包食店的組合Bliss成員Oscar，食店選址在旺角，去年由細舖搬去大舖，Oscar接受電話訪問說：「新舖擴張咗三、四倍，以前係企位，依家有座位。雖然經營成本增加咗，但生意額同樣上升咗四倍，生意比較穩定，成個營運模式健康咗。」

Oscar開了兩間生煎包店，生意穩定。
  • Oscar開了兩間生煎包店，生意穩定。