G.E.M.陳偉霆玩愛的泡泡
鄧紫棋（G.E.M.）與陳偉霆（William）為預祝明天二月十四情人節，日前各自撇下另一半，相約到酒店食情人餐，面對滿枱美食，正為演唱會努力減肥的G.E.M.忍不住狂食，但不忘餵「過氣緋聞男友」William食魚。William嫌齋食未夠情趣，當他見到房外有露天風呂，就提議來個鴛鴦浴，穿上情侶浴袍玩「愛的泡泡」。而G.E.M.發覺房內有留言卡就叫William給她「愛的宣言」，他寫下「雖然你（係）全世界最矮，但係我一定會買對最高嘅高踭鞋畀你」，被明寸的G.E.M.就回贈「雖然你全世界最醜，但我依然完全愛你」，實行互踩一番。
問到如何慶祝情人節？William爆料：「你同人復合咗未？」嚇到G.E.M.大叫：「咩呀？你講同邊個復合呀？」又怪責William「毒舌」：「你當初同我講同邊個（蔡卓妍）拍拖時，我驚到嘩一聲，你仲咒我如果爆料，我就嫁唔去。」
99支玫瑰冧女友
至於他們的冧情人秘技，G.E.M.試過親手炮製99粒朱古力，及幫男友換最愛的卡通公仔床單，不過她拒透露情人節時，台灣緋聞男友林宥嘉可會來港，她高叫：「我唔係老人家，唔使佢嚟探我。」William就話情人節時，會到花墟親手揀99支玫瑰送給女友蔡卓妍，雖然花費逾四千元，但能博情人一笑，幾貴都值得。
場地：紅磡都會海逸酒店
文：音樂組