何紫綸抽中籤望向外闖
模特兒何紫綸（Ann）早前到位於天后的蓮花宮求籤，希望蛇年行大運，最希望當然是事業可以順風順水，抽到中籤的她說：「希望蛇年搵多啲錢，最想都係去外國發展一下，有得casting已經好開心。」提到新年活動，她透露初一至初三都會休息，初二會預早搞生日派對：「我生日係情人節，我啲朋友都唔得閒理我啦，咪早啲搞，之後就開爐工作。（咁近城隍廟都唔求枝姻緣籤？）一切隨緣啦。」
她笑言細個好多新年活動，年初一爸爸會一早就播財神到的歌，四姊妹一早就同父母拜年，要講不同的賀語祝福父母：「仲有幫媽咪整湯圓，細個會好唔聽話，年初一會貪靚洗頭，但大個就唔會咁做。」