陳嘉桓拜神催運 望有貴人
正所謂新年新開始，不少人都希望在蛇年轉個大運。而藝人陳嘉桓（Rose）原來早有計劃新年過後拜神睇相，祈求蛇年行大運，事事順利。
其實Rose上年運程麻麻，她說：「過去一年都過得唔好，身邊都出現唔同嘅事同一啲小人。」對於前年年尾遭狼吻而為龍年帶來衝擊，Rose希望蛇年不要再發生不愉快事件：「希望今年平淡啲啦，樣樣順利啲，有貴人出現啦！」為了改善運程，Rose透露亦有略施小技以助改運：「我舊年就買咗白水晶嚟戴，咁個人就平和咗啲，都覺得有少少幫助。」被問到有否落力透過改運水晶催谷愛情運？她笑指：「我覺得愛情都係要等嘅，雖然我無特登催愛情，但如果遇到亦都會把握嘅！」
把握機會
剛過二十歲生日的Rose打算新年過後會找相士「睇相」，她說：「細個嘅時候屋企人就話唔好睇，因為個人未大定，個運都仲會變。」Rose表示覺得自己已經「大個女」：「20歲就好似係一個新嘅開始，自己都想睇吓流年運程，睇吓會遇到咩事咩人，聽吓都可以有定個把握嘛！」
採訪：專案組
攝影：唐豁莊
服裝：中藝
場地：上水廣場