黎耀祥進駐獨立屋 愈爆愈旺

黎耀祥之前第三度勇奪「視帝」獎項，人氣、運勢持續高企，往年會到美加登台，但新的一年，祥仔囑太太不要接外地登台show，留港度歲，祥仔謂：「之前冇一年喺香港過，去親外地都要五日，時間又趕，今年可以同哥哥、姐姐食飯聚聚，輕輕鬆鬆休息吓。」不過祥仔初二及初三仍要於大陸及香港出席活動，初七到澳門做騷。

視帝密密賺多勞多得，之前表示想換獨立屋的他，因為樓價太貴，已改為租住圓夢：「要買就好似追火車咁，追極都追唔到，我哋而家商量過後有個念頭，就係租複式獨立屋，老婆都已經睇緊樓，七、八萬一個月租金應該都可以喇。」

風水樓善價待沽

說到現住的風水樓會否捨得賣？他笑言：「啱價咪賣囉，我哋又唔急。（旺你？）我本身都好好彩，啱啱去攝太歲，個阿姐話撞正今日好日。（上年犯太歲你都咁好運喎！）我上年揸車都爆咗幾次胎o架，哈哈！」

髮型：Ivan Lee@Headquarters

場地：翠亨村@美麗華商場

攝影：鄭家俊

文：影視組