區文詩Monchhichi遺憾

區文詩外形頗硬朗，但絕對是外剛內柔，看她獨愛Monchhichi便顯而易見，現擁有逾百珍藏，笑言分布不同地方：「有啲喺貨倉，有啲喺媽咪屋企，當中有五十幾隻被選中同我一齊住，都係因為係紀念版或有特別意義。」
區文詩表示Monchhichi陪着自己成長。
區文詩表示Monchhichi陪着自己成長。

問她為何非「它」不愛？她憶述童年「憾」事：「我BB時，阿姨送咗我人生中第一隻Monchhichi，係玩伴，陪住我大，但作為媽咪會覺得毛茸茸公仔好污糟，成日都唔想要，直至有一日，我間房有陣好臭味道，媽咪話有隻老鼠死喺公仔入面，我信以為真就掉咗，自我懂性後就知道佢呃我，到我有經濟能力，我就去買番，呢個係情意結！」至於如何打理？她坦言每日都為「它」們洗面與定期替換衣服呢！

區文詩連床單都是Monchhichi。
  • 區文詩連床單都是Monchhichi。