蔡恩真慶合合 倒奶抹車

蔡恩真（EJ）每年農曆新年都放假回娘家韓國，故來港發展四年的她，都未曾試過「年廿八洗邋遢」的習俗，難得今次有幸「參與」，EJ即瞓身洗靚車。平日親力親為洗車的EJ，之前從未接觸過洗車機，見她左撳右撳都搞唔掂，索性拿起抹車布親手洗車，希望付出愈多，新一年收穫更多。她一開始先彎腰抹車頭，寓意「一元復始，萬象更新」，見她愈彎愈低，「倒瀉奶」亦毫不忌諱。

憶前度甜絲絲

洗到一半時，她忽然想起以前與男友在韓國的溫馨洗車回憶，EJ說：「以前我喺韓國會同男朋友一齊洗車，感覺好甜蜜！」她對洗車亦甚有心得，深知會洗到全身慶合合，故她以背心短褲上陣，即令現場氣溫急升。洗完靚車，EJ即滿意地與「製成品」合照，並祝大家新年可以儲夠錢「上車」，兼似洗車一樣「要水有水」，財源滾滾來。

蔡恩真以背心短褲性感上陣，親力親為去舊迎新。

蔡恩真坦言洗車時憶起甜蜜回憶。

文：專案組　

場地：KeePer Pro Shop