城城唔入圍眾影帝戥唔抵
今屆影帝之爭，由4位金像獎影帝級人馬：劉青雲、張家輝、梁朝偉及梁家輝，惡戰新丁杜汶澤，於電影《寒戰》中跟梁家輝鬥戲連場的郭富城，則名落孫山，對此，杜汶澤坦言：「佢入唔到圍，我好失望。」張家輝驚愕：「乜咁大鑊呀！」而將為頒獎禮任司儀的林家棟說：「阿城入唔到圍，我好意外，我依家都仲記得阿城喺戲度對眼好有火，不過佢仲有好多機會，套戲又開續集，出年再嚟過！」得到不少人圈中人力撐「唔抵」的郭富城，則身在北京為新戲宣傳，並跟眾演員包餃子迎新年。
至於憑《消失的子彈》角逐的青雲，談到封帝信心，他說：「平常心！《消》有12項提名，我能夠憑呢套戲提名男主角都好高興！」而憑《低俗喜劇》入圍「最佳男主角」及《DIVA華麗之後》角逐「最佳男配角」的杜汶澤，他搞笑表示：「輸贏唔緊要，最緊要多謝《DIVA華麗之後》攝影師，拍得我冇平時咁樣衰！」至於「七料影帝」張家輝則說：「入圍梗開心，我套《大追捕》舊年三月上，都好驚被人遺忘，我最高興見到周顯揚入圍『新晉導演』。」至於身在外地的仔則感謝大家支持。