黎芷珊教出好徒弟
無綫娛樂新聞台主播黃穎君，早前有機會訪問黎芷珊，她說：「心情就好似中學生等派成績表，因為芷珊係我選完港姐後，被派去做《一切從落選開始》，初初接觸娛樂新聞報道時嘅前輩導師。好記得第一次見芷珊，佢問我：『你有冇信心做好娛樂主播？』當時我答：『冇』。講真，依家再問我一次，我都會答：『仲未得。』因為我做咗主播之後，至發現一個成功嘅主播要掌握好多技巧，先至會被公認係好主播，我好多地方仲未做得夠好，仲有好多嘢要學，好開心好多前輩好肯教我。」
談到訪問芷珊，黃穎君說：「我之前見芷珊喺《萬千星輝頒獎典禮》攞獎，好戥佢高興，感覺佢為主播爭光。就算依家我訪問芷珊，依然會緊張，訪問其他藝人就冇乜嘢，我更加覺得自己一定要再努力啲，先唔會辜負芷珊之前做導師咁用心教我哋。」