黎諾懿食蘿蔔糕粗口味
無綫藝員黎諾懿口味奄尖，每逢農曆新年必定幫襯媽咪自家製的粗絲蘿蔔糕，他說：「我鍾意食好難買得到嘅粗絲蘿蔔糕，所以淨係會食媽咪親手整嘅，因為媽咪整嘅冇咩粉，啖啖都係一大條一大條嘅蘿蔔絲，真喺好正o架！」
身為無綫劇《愛‧回家》男主角的諾懿最近繼續忙碌，不過過年有假放，並會與女友李潔瑩及家人過肥年：「今年初一至初四都放假，但唔會去旅行，留喺香港同親戚朋友拜年仲好！另外都會同女朋友加佢屋企人一齊食團年飯，又會同自己屋企人食飯。」屬猴的諾懿展望蛇年事業更上一層樓，搵多啲錢，愈撈愈掂。