陳嘉寶 開P洗邋遢
每年到年廿八，就要洗邋遢，人人都趕在新年前進行大掃除，迎接新一年來臨。模特兒陳嘉寶（Anjaylia）及蔡穎恩（Evelyn）都各自有大掃除的方法，Anjaylia會與朋友開party交換舊物件，Evelyn則會仔細清衣櫃，但清完又會再買，更說衣櫃爆晒都要繼續買。
兩位模特兒陳嘉寶（Anjaylia）及蔡穎恩（Evelyn）看似嬌滴滴，原來亦會落手落腳幫家人大掃除。貪靚的Evelyn表示，早已清出幾大袋雜物，當中大部分都是過時的衣服，她說：「新一年一定要執得仔細啲，包括一啲可能冇乜用又唔捨得掉嘅，都要清晒出嚟。」
向外掃地捱鬧
Evelyn續說：「新年一定要買新衫，就算衣櫃爆晒都仲要繼續買。」Anjaylia與朋友們亦有去舊迎新大計，她說：「其實我哋都好環保，我哋成班朋友會將屋企用唔着嘅嘢清出嚟，再開派對交換物品！」
農曆新年前後都有不少傳統習俗要跟隨，Anjaylia與Evelyn也略懂一二，Anjaylia就委屈說自己曾因做家務而被家人責罵：「曾經試過去公公婆婆屋企，幫手掃地時畀人鬧。原來新年掃地係唔可以向外掃，只可以向內掃。」Evelyn即表示新年會做乖乖女，大部分傳統習俗都會跟隨。
希望得償所願
談到新年新願望，仍在求學的Anjaylia表示：「已經嚟到最後一個學期，希望讀得舒服開心，順利畢業，之後可以做到自己鍾意做嘅嘢。」Evelyn的新年願望亦與Anjaylia大同小異，她說：「希望所有嘢都順利，健健康康，唔開心都變開心，真正做到自己想做嘅嘢。」