徐濠縈情人節禮物 蛇B氹Eason
徐濠縈昨晚為其新店舉行開幕酒會，指老公陳奕迅非常支持她，問二人如此恩愛，會否追個蛇B？阿徐表示想在40歲前追多個，還笑言要送個蛇B給老公做情人節禮物！
時裝達人徐濠縈的新時裝店昨晚舉行開幕酒會，一班好朋友前來撐場，包括何志恩、周汶錡、Lisa S.、黃偉文、鄭希怡和劉浩龍等，內地女星周迅亦特地從瑞士來港支持她，認真畀面！阿徐透露新店投資了七位數字，並以友情價租舖，有信心很快會回本。問到老公陳奕迅（Eason）有否給予意見？她笑言：「吓？時裝喎，佢淨係叫我唔好咁忙，話我唔知為乜，個女都有叫，有時去歐洲入貨，都好唔捨得個女，但Eason好支持我，知我太愛時裝。」
時間無多冇得等
至於會否追個蛇B？她坦言趕唔切，因為三月要跑馬拉松，其後又笑指自己還堅守到三字頭（30多歲），可以再追B：「四字頭就冇得等，個個女人40歲前都想生多件，我時間無多。（養好身體？）我不嬲好fit，有BB就飛唔到，我又鍾意跑步。（個女想要細佬妹？）佢之前想霸佔我，依家就話想要妹妹同佢玩。」她透露情人節將留在香港，未知送甚麼給Eason，記者建議她送蛇B，她即笑說：「咁好啦，送蛇B畀佢啦，講吓咋，等佢開心，Eason乜都有，問佢老友記佢想要乜先。（需要你多啲時間陪佢？）佢仲忙過我。（佢想要BB？）佗B又唔使男人佗，佢實冇問題。」
周迅唔再拍西片
周迅則心情大好，開玩笑指自己只是經過趁熱鬧，她說：「大家好朋友，見佢開完一間又一間店，好高興。」她透露正在放假當中，剛從瑞士飛來港，明天就走，問是否與男朋友去瑞士旅行？她笑說：「冇喎，（唔心急拍拖？）no心急，（遇到啱對象閃婚？）唔知。」她表示會休息多半年，現時有看一些劇本，提到有份主演的電影《雲圖》因難理解而影響票房？她就認為每人有不同選擇，看得懂的就看一次，看不懂就看多幾次，至於會否再拍荷里活電影？她即搖頭示意不要。
文：名人組