方中信懷傷痛今為父設靈

方中信父親日前因病離世，並定於一月卅一日（即今日）於寶福山設靈，明日出殯；方中信太太莫可欣昨接受電話訪問，指方中信心情沉痛：「佢一向都好錫同好孝順父親，之前父親唔舒服，佢即刻推咗一部內地電視劇相陪，所以，老爺走嘅時候，我哋都好擔心佢能唔能夠承受呢個打擊，幸好，佢都總算撐得住，並同喺外國返嚟嘅家姐一齊辦理爸爸嘅身後事。」莫可欣指老爺離世時，仔女全部在場，故走得十分安詳。