鄧紫棋拜年飛起林宥嘉
鄧紫棋（G.E.M.）昨日身穿背心配黑絲襪出席情人節活動，並自爆曾炮製朱古力冧男友，問到可是台灣男友林宥嘉？她甜笑說：「我冇整過畀佢食，只係整畀我16歲時嘅初戀男友。（情人節將與男友過？）冇得過，成個農曆新年得一日假，我要去拜年。」
另外，提到早前與鬧不和的甄妮同場，被指兩人在後台「面左左」？她否認說：「冇咁嘅事，我當晚只係離遠見到佢背影一秒。」而曾在微博公開道歉的G.E.M.說：「喺大眾公開已經係一個尊重，唔係我做錯咩事要道歉，或者我應學吓陳奕迅祝對方演唱會大賣！之後我有聯絡過佢助手，但都冇回覆。（覺得甄妮博宣傳？）前輩係唔使靠我哋博宣傳。」