鐘嘉欣為做賢妻學煮餸

【呂詠雯首爾直擊】無綫今年除夕晚舉行香港、韓國、台灣、星馬等五地聯播之《TVB新春黃金慶典》，前日已抵首爾的嘉欣和杏兒，昨早到光化門與大班小朋友拍整年糕片段，吸引不少旅行團拍照，由於當地氣溫低至零度，凍得兩女騰騰震，穿大褸的嘉欣和戴護耳的杏兒冷得縮作一團，當見到數十名小朋友時，他們的熱情亦溫暖了二人，嘉欣事前學了韓語，又主動向小朋友提「江南Style」和人氣組合Big Bang，嘉欣說：「佢哋即刻同我講番PSY，好有互動！」

自加拿大來港工作的嘉欣，已很久沒有過這麼凍的新年，今次還要學整年糕，廚藝麻麻的她自爆曾遭媽媽投訴，故希望做賢妻，但又鳥龍將賢妻條件講成「出得廚房、入得廳堂」，她說：「其實我可整到四餸一湯，只係冇乜味，可能太多水，所以新一年要學煮嘢！（想做賢妻？）係o架！女仔識煮嘢男仔會鍾意！（你個friend伍允龍鍾意？）你哋問佢啦！（追韓星？）好鍾意池誠，佢嘅作品我睇咗廿次，希望今晚佢出現啦，唔係就去搵佢！」

自爆有人追

原來同行的杏兒戲弄嘉欣，指公司早前曾叫她到韓國為池誠拍MV，嘉欣聞言興奮到癲，不過事後知道被騙，杏兒笑說只忍心騙她大半個鐘：「佢信以為真！（你都有追韓星？）我鍾意《秘密花園》嘅玄彬同Rain！」最近正忙於深圳拍內地劇的杏兒自爆有人追，但昨日問到她是否想識韓國型男時，她說：「都想o架！」而昨晚鍾嘉欣、胡杏兒、林峯與鄭嘉穎在首爾盛裝打扮錄影新春節目。