經理人Admond爆問價4法

對於有o靚模墮入富二代迷姦掠財騙局，模特兒公司經理人Admond昨接受本報電話訪問時，直認圈中不時有人會向o靚模埋手問價，方法更層出不窮：「我有聽過有人搵o靚模坐枱，呢啲人搵獵物嘅手法有四種：一係去啲藝人同模特兒蒲開嘅夜場，私下問佢有冇興趣去食飯，二係透過whatsapp同facebook間接問。第三種猖狂到直接打去模特兒公司問，我都接過類似嘅電話，我當然即刻婉拒，幫旗下嘅女仔擋，叫啲女仔盡量避免去接觸呢啲人，要識得保護自己！而第四種係可能係過來人（出席過類似飯局），會介紹其他女仔去。」