藝人羅仲謙出席商場活動時表示今年會在香港過年，由於過去一年工作不斷，今年算是可以過肥年。去年他曾預備派利是，但因他工作量未如今年多，見得人少，利是最後沒有派出。而他今年特別設計利是封，一於皆大歡喜，大派特派。問到羅仲謙可會去楊怡家拜年？他說：「又唔使咁刻意，隨緣啦，成班朋友夾啱時間咪一齊去拜年囉。」
而羅仲謙擔演的《古惑仔之江湖新秩序》票房收入未如理想，他說：「拍呢部戲時，我好大壓力，如果觀眾當係一部全新電影去睇會更好，睇首映時我好似等派成績表咁緊張。」
