鍾嘉欣獲贈期票眼濕濕
「宅男女神」鍾嘉欣由電視圈跳入樂壇，早前推出的新碟《lovelovelove》大受歡迎並得到白金唱片的銷量，成績驕人。為答謝粉絲支持，昨日特地在大埔超級城舉行「鍾嘉欣《lovelovelove》最幸福簽唱會」，悉心打扮的嘉欣以花背心短裙亮相，吸引超過二百名粉絲捧場，逼爆商場，而向來對嘉欣萬千寵愛的唱片公司老闆何哲圖（Herman）亦有現身支持愛將。
現場嘉欣除唱歌助興外，又跟粉絲們玩遊戲，他們寫揮春祝願嘉欣「蛇年開個唱」，在台上嘉欣亦坦言新一年希望有機會舉行個人音樂會和唱跳舞歌曲。到活動尾聲粉絲們更自製了一張日期部份漏空的巨型演唱會門票給嘉欣，最後由Herman即場寫上日期，並向嘉欣承諾會在今年８月或９月為她舉行音樂會，令嘉欣感動到當場眼濕濕。
挑戰奸角
對於粉絲們的熱情，嘉欣表示：「我今時今日仲喺度唱歌除咗要多謝公司，更加要多謝班fans，我頭先都想喊，但我同自己講深呼吸頂住，當然老闆都好錫我。」同時嘉欣又表示今年要挑戰難度：「希望試啲自己以前會驚嘅嘢，好似跳舞同埋做奸角，雖然冇跳舞底子，但我相信只要有心就會做到。」而農曆新年將至，嘉欣透露會回加拿大和家人度過。
文：音樂組