天華剝衫照輸 蘇基嘩嘩聲
謝天華為賀歲電影豁出去，既要把腳趾給鄭欣宜啜，一場炮仗燒「小天華」戲份，竟又不慎燒傷肚臍，要搽足兩星期藥膏才痊愈。而昨日天華聯同拍檔徐子珊及欣宜為新春節目錄影，期間身材出眾的欣宜令子珊及古明華（蘇基）不禁嘩嘩聲，力搶眾人風頭，即使天華拉開衣襟也不敵，認真慘情！
謝天華、徐子珊、鄭欣宜等昨日以賀歲電影《2013我愛HK恭囍發財》代表身份，現身TVB新春節目錄影，雖然眾人穿上唐裝，但欣宜的出眾身材仍大搶風頭，在旁的子珊也不禁睇到嘩嘩聲，天華見狀即作狀打開衣襟，惟依然處於下風。
炮仗燒肚臍
事後天華被取笑成輸家，他笑謂：「我戲入面贏番，因為欣宜瘋狂追求我，（你要畀佢啜腳趾！）嗰場係純粹搞笑，唔核突，（好大犧牲！）都係，拍之前的都有用火酒浸腳，消毒咗先。」更指戲中亦被炮仗傷肚臍，他謂：「本來係一串炮仗放入褲襠燒，好在我撥得快，但係都燒到肚臍，搞到甩皮，搽成兩星期燙火膏先好番。」
奶粉貴唔生
同場的呂慧儀（長腳蟹）穿上唐裝衫似乎沒甚睇頭，問到是否成為人妻後不再作性感打扮？長腳蟹笑指合家歡時段要正經，再者不同場合要配合不同形象。談到農曆新年將至，長腳蟹表示雖然只有一日假期，但已感滿足，她謂：「我呢啲手停口停，不過都會叫媽咪幫我換定銀紙封利是，（生B幫補吓！）唔會特登，屋企已經有條大蛇，所以都係等馬年先，依家奶粉又貴，唔通要我餵人奶餵到兩歲咩！」
文：影視組