劉嘉玲自嘲身材唔及名伶
劉嘉玲前晚到北角新光睇越劇《西廂記》，並與老闆李居明、高層元海及一眾戲迷一同見證梨園老傳統的封箱儀式，散場後，嘉玲更走到後台探望一眾越劇演員。
嘉玲受訪時坦言非常欣賞越劇演員的深厚功底，她說：「我未見過封箱儀式，但上海越劇我就由細睇到大，好鍾意，以前我喺《歡樂今宵》都做過《紅樓夢》。（效法梨園收徒弟？）我？唔得！拍戲有導演、燈光、服裝幫手，同現場演出要自己控制，好唔同，所以我特別鍾意睇現場演出。自從演完《煙雨紅船》之後，我一直想再演話劇，但遇唔到適合劇本，我好享受舞台演出，反串都可以。（你咁好身材喎，反串要紥胸喎？）好多名伶身材好過我啦！」
